Мукофот компания томонидан “Most outstanding progressive performance" (энг юқори даражадаги иш юритиш) номинацияси бўйича топширилган.
2015 йилда Абдуллоҳ Ваҳаб ва унинг амакиси Абдул Ҳақ Абдул Разақ чет эл инвесторлари бўлиб, улар томонидан Тошкент вилояти, Зангиота туманида жойлашган “Ўзбекистон” масъулияти чекланган жамияти ва Сирдарё вилояти, Сардоба туманида жойлашган «Z.М.Bobur» масъулияти чекланган жамиятлари сотиб олинган. Тадбиркорларнинг сўзларига кўра, Ўзбекистон дунёнинг энг хавфсиз давлатларидан бири саналади. Бундан ташқари, охирги йилларда мамлакатда қулай инвестицион муҳитни яратиш учун кенг кўламли ишлар олиб борилмоқда, дея қайд этди асосчилардан бири Абдуллоҳ Ваҳаб.
“Ўзбекистон” масъулияти чекланган жамияти жами 2 млн парранда урни мавжуд булиб парранда гўшти етиштиришга, «Z.М.Bobur» масъулияти чекланган жамияти эса жами 150 минг парранда урни мавжуд булиб бройлер ота-она товуқларини ўстириб инкубацион тухум етиштиришга ихтисослашган.
Ҳозирги кунда ушбу 2 корхонада етиштирилаётган бройлер жўжалари Германиянинг «BIG DUTCHMAN INTERNATIONAL GMBH» компанияси томонидан ишлаб чиқарилган барча замонавий талабларга жавоб берадиган ускуналарда етиштирилмоқда.
Абдуллоҳ Ваҳаб ушбу йўналиш бўйича уч йил олдин Нидерландияда малака ошириб келиб ўз билимларини ушбу корхоналарда жорий қилмоқда.
Амалга оширилган ишлар натижасида 2019 йил 16 мартда «Z.М.Bobur» масъулияти чекланган жамиятига «Most outstanding progressive performance – Энг юқори даражадаги иш юритиш» мукофоти «COBB EUROPE LTD» компанияси томонидан берилди.
«COBB EUROPE LTD» компанияси 1916 йилда АҚШнинг Массачусетс штатида ташкил этилган бўлиб, паррандачилик бўйича кўп йиллик компания ҳисобланади.
Таъкидлаш жоиз, компания эришилган ютуқлар билан чекланиб қолмасдан, ҳозирда бошқарувчилар «COBB EUROPE LTD»нинг соврини «COBB Champion»ни қўлга киритишни режалаштирмоқдалар. Ушбу мукофот бройлер товуқларини ўстириш ва инкубацион тухум етиштириш соҳасининг барча йўналишларида дунё бўйича етакчилик қиладиган компанияларга берилади.
