Тошкентда фаолият бошлаши айтилаётган HeadHunter (hh.ru, hh.uz) компаниясининг сайтларида директор, директор ўринбосари ва менежер лавозимларига ходимлар ишга таклиф қилинади.
Бўш иш ўринларини KFC, Taco Bell ва Pizza Hut брендлари соҳиби бўлган Yum! Brands корпорацияси эълон қилди.
Ўзбекистонда KFC, “International Foodchain” МЧЖ билан ҳамкорликда иш олиб бориши айтилмоқда.
Тошкентда ўз иш фаолиятини бошлайдиган филлиалларнинг қачон очилиши ва қаерда жойлашиши ҳақида ҳозирча маълумотлар йўқ.
Эслатиб ўтамиз, 2017 йилнинг 27 сентябрь куни бўлиб ўтган Халқаро Пресс-клуб йиғилишида собиқ Ташқи савдо вазири Элёр Ғаниев, умумий овқатланишга ихтисослашган “McDonald's” ва бошқа жаҳон брендлари Ўзбекистонда фаолиятларини бошлашлари ҳақида айтиб ўтган эди.
