• 12 482 сум
    69.4
  • 14 541 сум
    154.08
  • 155 сум
    0.95
  • БРВ
    412 000 сум
  • МРОТ
    1 271 000 сум
Ру
  • 12 482 сум
    69.4
  • 14 541 сум
    154.08
  • 155 сум
    0.95
  • БРВ
    412 000 сум
  • МРОТ
    1 271 000 сум
Происшествия 19 октября 2017

Кучли шамол натижасида Чилонзор туманида истиқомат қилган аёл ҳалок бўлди

ФВВ: 17 октябрь куни Тошкент шаҳри ва Бухоро вилоятида секундига 32 метр тезликгача шамол бўлганлиги кузатилди. Кучли шамол оқибатида айрим маъмурий бинолар ва уйларнинг том қисмларига зарар етган. Дарахт шоҳларининг синиб тушиши сабабли автотранспорт воситалари зарарланган.

4573
0
Бухоронинг кучли шамолдан кейинги кўриниши/Facebook

Ўзбекистон ФВВнинг матбуот хизмати берган хабарга кўра, жорий йилнинг 17 октябрь куни Тошкент шаҳри ва Бухоро вилоятида секундига 9-32 метр тезликда шамол бўлган. Кучли шамол оқибатида айрим маъмурий бинолар ва уйларнинг том қисмларига зарар етган. Дарахт шоҳларининг синиб тушиши сабабли баъзи фуқароларнинг автотранспорт воситаларига шикаст етиб, автомобиль йўлларида тирбандликлар юзага келган. Тошкент шаҳрининг айрим ҳудудларида электр линияларининг узилиши туфайли электр энергияси таъминотида вақтинчалик узилишлар содир бўлган.

Маҳаллий бошқарув органлари, авария-қутқарув хизматлари томонидан юзага келган вазият оқибатларини бартараф этиш бўйича тезкор чоралар кўрилган. 

Шунингдек, дарахт шоҳининг синиб тушиши оқибатида Тошкент шаҳрининг Чилонзор туманида истиқомат қилган фуқаро Г. Исоқова турли даражада тан жароҳатлари олган ва шифохонага ётқизилган. Тиббий ёрдам кўрсатилганига қарамай у олинган тан жароҳатлари натижасида шифохонада вафот этган.

ФВВ кучли шамол оқибатида бинолар конструкциясининг шикастланиши, фуқаролар томонидан олинган жароҳатлар тўғрисида маълумотлар аниқланган тақдирда “1050”, шунингдек, 245-24-66, 245-24-77 телефон рақамлари орқали хабар беришингизни сўрайди.

4573
0