Фарғона вилоятининг Қўқон шаҳрида 2018 йил 2 апрель куни Туркистон кўчасида жойлашган “Тошкент-Қўқон” йўналиши бўйича қатновчи автомашиналар турар жойи олдидаги дарахт тагидан осиё миллатига мансуб, 3-4 ёшлардаги ўғил боланинг бўғилган ҳолдаги жасади топилган.
Олиб борилган суриштирув ишлари натижасида жасаднинг шахси аниқланди, у 2015 йилда туғилган Ф.Иброҳимжонов бўлиб чиққан.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, ушбу жиноятни марҳум Ф.Иброҳимжоновнинг онаси, 1995 йилда туғилган С.Тилаволдиева содир этганлиги аниқланиб қўлга олинган.
