“Инсон ва қонун” нашрининг ўз мухбири айнан ““Ишонч телефони” Ишончни оқлаяптими?” сарлавҳаси остида суриштирув олиб борган ва натижада Самарқанд вилояти адлия бошқармасининг 0-366 233-04-62 рақамли “Ишонч телефони” мухбирнинг қўнғироғига умуман жавоб бермаган.
Шунингдек, 0-367 225-01-55 рақамли, Сирдарё вилоят адлия бошқармасининг “Ишонч телефони” ҳам бир неча марта қўнғироқ қилинишига қарамай ҳеч ким қўнғироқларга жавоб бермаган.
Бундан ташқари, 0-376 223-43-73 рақамли Сурхондарё вилоят адлия бошқармасининг “Ишонч телефони” ҳам мухбирнинг қўнғироғига жавоб бермаган.
Фарғона вилоят адлия бошқармасининг 0-373 241-75-34 рақамли “Ишонч телефони” ҳамда 0-371 262-92-42 рақамли Тошкент шаҳар адлия бошқармасининг “Ишонч телефони” ҳам қўнғироқларга жавоб бермаган. Шу ўринда айтиб ўтиш керакки, Тошкент шаҳар адлия бошқармаси “Ишонч телефони” автожавобга улаб қўйилган, лекин ким билан алоқа қилишингизни билмайсиз.
Нашрда Адлия вазирлиги тақдим этган жадвалда адлия бошқармаларининг “Ишонч телефонлари” рўйхатида 4-5 тадан рақам қайд этилгани ҳамда мухбир фақат уларнинг биринчисига қўнғироқ қилиб кўргани ҳам айтилган.
“UzNews.uz” мухбири ҳам шу ўринда келтириб ўтилган рақамларга қўнғироқ илиб кўрди, афсуски барча қўнғироқларимиз жавобсиз қолди. Биз бугун балки шанба куни бўлгани учун “Ишонч телефонлари” ҳамда уларга бириктирилган Адлия ходимлари балки дам олишдадирлар деган фикрга келдик. Шу ўринда Адлия вазирлиги “Ишонч телефонлари” қайси вақтда ва қайси кунда ишлаши ҳақида маълумот тарқатмаган экан деган хаёлга ҳам бордик. Чунки, аниқ вақт кўрсатилганда, мурожаатчилар айнан ўша вақтларда уларни безовта қилармиди балки?!
