Тошкент вилояти ИИБ Тергов бошқармасининг маълум қилишича, 2018 йил 5 январь кунидан 9 январь кунига қадар бўлган вақт оралиғида Қибрай тумани Дўрмон қишлоғидаги қурилиши тугалланмаган хонадонда ўғирлик содир бўлган.
Қибрай тумани Янги-арғин маҳалласидаги Комил Жабборовга тегишли бўлган хонадонга ҳеч ким йўқлигидан фойдаланган ҳолда кириб, умумий баҳоси 3.000.000 сўм бўлган 8 дона “Акфа” ромлари, 200 метр шланкаси ва 200 метр электр кабелларини ўғирлаб, воқеа жойидан яширинган.
Бу ҳолат юзасидан Туман ИИБ ҳузуридаги Тергов бўлими томонидан Ўзбекистон Республикаси Жиноят кодексининг 169-моддаси 2-қисми “в” банди билан жиноят иши қўзғатилган.
Қибрай туман ИИБ ходимлари томонидан олиб борилган тезкор чора-тадбирлар натижасида ушбу жиноятни туманда яшовчи, мавсумий дехқончилик билан шуғулланиб келган, Олим Йўлдошев, Фазлиддин Худойбердиев ва Дармон Эшмуродовлар содир этганлиги аниқланди.
ИИБ ходимлари томонидан далилий ашё сифатида 8 дона ҳамда “Акфа” ромлари, 200 метр шланка олинган.
Тошкент вилояти Қибрай тумани Тергов бўлими ҳозирда тергов ишлари олиб борилмоқда.
Жиноят процессуал кодекси талаби ва тергов сири боис юқорида келтирилган исм-шарифлар ўзгартирилган.
