Тошкент шаҳар ИИББ Шайхонтоҳур тумани ИИБ “UzNews.uz”га, “Пахтакор” стадионидан 3 минг 300 долларлик спорт оёқ кийимлари ўғирланган ҳақида хабар берди.
ИИБ томонидан ўтказилган тезкор ҳаракатлар натижасида 30, 24, 19 ва 18 ёшдагилардан иборат жиноий гуруҳ аъзолари бу ўғирликни амалга оширганлари аниқланди.
Ёш йигитлар ўзаро жиноий тил бириктирган ҳолда, “Пахтакор” стадиони ҳудудида жойлашган, Ўзбекистон Енгил атлетика федерацияси биносига кириб спорт оёқ кийимларини ўғирлашган.
Ушбу ҳолат юзасидан Шайхонтоҳур туман ИИБ Тергов бўлими Ўзбекистон Республикаси Жиноят Кодексининг 169-моддаси, 2-қисмининг б, в, г бандларига асосан жиноият иши қўзғатилиб, ҳозирда тергов ҳаракатлари олиб борилмоқда.
