Ўзбекистонда 1 майдан бошлаб қуйидаги ўзгаришлар кучга киради.
– Халқаро имтиҳон синовларидан (IELTS, TOEFL, GMAT, GRЕ, SAT) 7 балл олган ёшларнинг имтиҳон харажатлари қоплаб берилади;
– Давлат ҳокимияти ва бошқаруви органлари ҳамда уларнинг идоравий ва ҳудудий бўлинмалари бошқарув ходимларининг сони 15 фоизгача қисқартирилади;
– Капитал бозорини ривожлантириш агентлиги тугатилади; Агентлик Молия вазирлиги таркибида Капитал бозорини ривожлантириш департаменти этиб ташкил этилади.
– “Шаффоф хайрия” ягона интерактив портали ишга туширилади;
Бу ҳомийлик маблағларини марказлаштирилган ҳолда тўплаш ва тарқатиш, уларнинг мақсадли ҳамда манзилли йўналтирилишини мониторинг қилиш, ошкоралигини таъминлашга имкон беради.
– Барча ташкилотларда ижрони назорат қилиш фақат Ijro.gov.uz тизимида амалга оширилади;
– Ички ишлар органлари тарбия колонияси тарбиячиларига қўшимча ойлик устама ҳақ тўланади;
Базавий тариф ставкасининг ва лавозим маошининг 75 фоизи миқдорида қўшимча ойлик устама ҳақ тўлаб берилади.
– “Ўзбекистон миллий кинофонди” давлат муассасаси ходимларига 50 фоиз миқдорида шахсий устамалар тўланади
– Кўп қаватли бино ва иншоотлар қурилишида электрон техник паспортлар шакллантирилади;
– Фуқаролар йиғинлари фаолияти самарадорлигини рейтинг баҳолаш тизимини олиб борувчи веб-портал тест режимида ишга туширилади;
– Ўзбекистонга олиб кириладиган ва олиб чиқиладиган экологик хавфли маҳсулотларни мажбурий экологик сертификатлаштириш тартиби жорий этилади.
