Ишга тушадиган янги йўналиш бўйича синов сафари 25 январда ўтказилиши режалаштирилган.
Қатновга қўйилиш учун етказиб келинган травмайлар айни вақтда эксплуатацияга тайёрланмоқда. Бекатлар эса аллақачон фойдаланишга тайёр қилиб қўйилган.
“Вокзал-Сиёб бозори” йўналиши 5 километрдан иборат бўлиб, 18 та бекатни ўз ичига олган бўлиб, ҳар қатновнинг оралиғи 7 дақиқани ташкил қилади.
Йўловчилар яратилган имкониятдан фойдаланган ҳолда, бу йўналишда шаҳар вокзалидан Сиёб бозорига қадар 20 дақиқада етиб олишлари мумкин.
Самарқанд шаҳар ҳокимлиги ахборот хизматининг хабарига кўра, келгусида Самарқанд шаҳрида 3-трамвай линиясини ҳам ишга тушириш режалаштирилган. Бу йўналиш 23,2 километр узунликдан иборат бўлиши ва шаҳарнинг Буюк ипак йўли кўчасидан Кимёгарлар шаҳарчасига қадар давом этиши айтилмоқда.
