Янги вазирликнинг очилишига сабаб Халқ таълими вазирлигининг кенг кўламлилиги ва бунинг натижасида мактабгача бўлган таълимга етарлича эътибор қаратиш имкони йўқлиги бўлди, дея маълум қилди Халқ таълими вазири Улуғбек Иноятов Kun.uz билан ўтказган интервьюсида.
Вазирлик раҳбари қайд қилганидек, йиғилиш давомида Президент Шавкат Мирзиёев халқ таълими тизимини ислоҳ қилишдаги мавжуд камчиликларни ҳамда мактабгача таълимни халқ таълими тизимидан ажратиш кераклигини айтиб ўтган.
Бундан ташқари Президент янги мактабгача таълим вазирлигини ташкил этишга ва келгусида Ўзбекистонда 5 мингта мактабгача таълим муассасаларини ривожлантиришга кўрсатма берди.
