UzNews.uz мухбирига ҳуқуқни муҳофаза қилиш органларидаги манбааларнинг хабар қилишича, 44 ёшли эркак Facebook ижтимоий тармоғида "Без халифата нас ждет унижение" ёзувли расмни тарқатган, Муҳаммад пайғамбарни масҳара қилувчи спектаклга изоҳ қолдирган ва Ўзбекистонда тақиқланган "Хизб ут-Таҳрир" уюшмаси материалларини тарқатган.
Мазкур ҳолат юзасидан 244-1-модда 3-қисм "г"-банди билан жиноят иши қўзғатилган (жамоат хавфсизлиги ва тартибига хавф солувчи материалларни тайёрлаш, сақлаш, тарқатиш ва демонстрация қилиш).
