“UzNews.uz” га Сирдарё вилояти Ховос тумани Исломобод маҳалла Истиқлол кўчасида яшовчи фуқаро Ф.Ҳ (“UzNews.uz”да бу фуқаронинг шахси ва у юборган қўшимча далил ва маълумотлар мавжуд) мурожаат қилди.
Фуқаро томонидан бизга юборилган матнга эътибор қаратинг – “Мен сизларга Сирдарё вилояти Ховос туманидан ёзаяпман. Мана неча йилдирки, тоза ичимлик сувига зормиз, сувимиз жудаям шўр, ширин сув келади деб ваъда беришганига анча бўлди, лекин сувдан дарак йўқ”.
Шунингдек, Ф.Ҳ сув шўрлигидан уйларимиз нам тортиб шўрлаб кетяпти, таъмирланган уй бир йилга ҳам қолмай деворлари қуламоқда, - деб ёзган.
Бундан ташқари йўлланган ушбу мактубда уйлар қурилганига ҳам 50 йилдан ошгани, ҳокимнинг эса ҳеч нима билан иши йўқлиги қайд этилган.
Ховослик фуқаро чиқинди ташлаш учун жой йўқлиги, уйларнинг олдига ташланиши, маҳаллий аҳоли уйларини сотиб кетишга розилиги, аммо бу уйларни ҳеч ким ҳам сотиб олмаслигини ёзиб юборган.
Энг ачинарлиси эса уйга меҳмон чақиришга ҳам уяламиз, буни сизга ёзишимиздан мақсад эса ана камчиликларни бартараф этилиши хоҳлаяпмиз дейди, Ховос туманида истиқомат қилаётган фуқаро Ф.Ҳ.
“UzNews.uz” бу воқеа ортидан Сирдарё вилояти ҳокими ўринбосари, Вилоят ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари Ибрагимов Жаҳонгир Баҳодирович билан боғланишга ҳаракат қилдик, саволларимизга жавоб берган аёл киши бу масалада Ҳоким ўринбосарининг ёрдамчиси Назарбек Норбоев билан гаплашишимизни айтди.
Сўнгра биз, “ёрдамчи” билан боғландик, афсуски бу борада аниқ жавоб ололмадик.
