"ДжиЭм Ўзбекистон" АЖ томонидан автомобиллар қолдиқларини инвентаризация қилиниши муносабати билан, 2017 йилнинг 29 майидан 31 майигача янги шартномалар тузиш ва автомобилларни бериш вақтинчалик тўхтатилади.
Инвентаризация якунлангандан сўнг, тўланган шартномалар бўйича автомобилларни, тузилган шартномаларда кўрсатилган нархларда етказиб бериш амалга оширилади. - деб таъкидланган компания хабарида.
Аввал хабар берганимиздек, "GM Uzbekistan" компанияси 2017 йилнинг 1 июнидан ўз автомобилларини ички бозорда миллий валютада сотишни бошлайди.
