Мазкур ҳужжат Мозори Шариф – Шибирғон – Маймана – Ҳирот темир йўли қурилишини ўз ичига олади.
Ушбу лойиҳани амалга ошириш Ўзбекистонга Эрон портларига юк жўнатиш имкониятини беради.
"Баёнат икки қўшни мамлакат ўртасидаги иқтисодий алоқаларнинг кучайишига умид беради. Афғонистон Ўзбекистоннинг ишончли савдо ва иқтисодий ҳамкори бўлишни ва ўзаро манфаатли алоқаларни кенгайтиришни истайди", - дея таъкидлади Афғонистон раҳбари.
Бундан ташқари, аввалроқ музокаралар доирасида турли соҳаларда ҳамкорликни кенгайтириш бўйича 20 та ҳужжат ва умумий қиймати $500 млндан юқори бўлган 40 та экспорт шартномалари имзолангани ҳақида хабар берган эдик.
