Ўйин Тошкентда ёпиқ футбол майдонида бўлиб ўтди.
Ўйин бошланишидан олдин Ўзбекистон Республикаси ИИВ оркестри ижросида Ўзбекистон Давлат мадҳияси янгради.
Бош кубокга Тошкент шаҳар ИИББ ходимлари ва Республикамиздаги интернет нашрларнинг журналистлари курашдилар. Ўйин Ўзбекистон Республикаси Конституциясининг 25 йиллигига бағишланган эди.
Ўйин натижаларига кўра, ОАВ жамоаси 5:3 ҳисобида ғалаба қозонди. Иккала жамоа аъзолари медаль, диплом ва эсдалик совғалар билан тақдирландилар.
Тошкент шаҳар ИИББ бошлиғининг ўринбосари Дониёр Тошхўжаевнинг UzNews.uz мухбирига берган интервьюсида таъкидлашича, мазкур ўйин маҳаллий ОАВ ва ҳуқуқни муҳофаза қилиш органлари ўртасидаги дўстона муносабатни мустаҳкамлаш учун ташкиллаштирилган.
