1986 йилда туғилган “Дамас” русумли автомашина ҳайдовчиси “Howo” русумли юк автомашинаси билан тўқнашиб кетган. Юк машинасини Тошкент вилоятининг Ўртачирчиқ тумани ҳудудида истиқомат қилувчи 1990 йилда туғилган фуқаро бошқараётган бўлган.
Тўқнашув натижасида “Дамас” русумли автомашина ҳайдовчиси, 1990 йилда туғилган аёли ҳамда 2015 йилда туғилган қизи олинган оғир тан жароҳатлари сабабли воқеа жойида ҳалок бўлган.
Мазкур ҳолат юзасидан Ўзбекистон Республикаси Жиноят Кодексининг 266-моддаси 3-қисми билан жиноят иши қўзғатилган. Тергов ҳаракатлари олиб борилмоқда.
