Ҳамюртимиз ўзининг 12-жангини Нью-Йорк шаҳридаги Turning Stone Resort Casino аренасида америкалик Сони Фредриксонга қарши ўтказди.
Ўз ўрнида айтиш керакки Фредриксон ушбу жангга қадар 18 та жанг ўтказиб, барчасида ғалаба қозонган. У 12 та жангда эса муддатдан олдин ғалабани қўлга киритган.
Икки енгилмас боксчилар иштирокидаги жангда Шоҳжаҳоннинг ўз рақибидан кучли эканлиги кўринди. У дастлабки раунддаёқ ташаббусни ўз қўлига олиб, рақибини ҳимояда ҳаракат қилишга мажбур қилди ва бунинг натижасида учинчи раундда нокаут билан муваффақият қозонди.
Ушбу ғалабадан сўнг ҳамюртимиз рейтингда кучли ўнликка кирди. Бу эса унга энди чемпионлик камари учун жанг қилишга имкон беради.