Қўшимча авиарейслар Тошкент-Дубай-Тошкент йўналишида душанба ва жума кунлари Boeing 757 самолёти орқали амалга оширилиши айтилди.
Маҳаллий вақт билан самолётлар душанба куни Тошкентдан соат 8:20да ҳавога кўтарилиб, Дубайга соат 10:55да етиб бориши белгиланган.
Дубайдан эса душанба куни соат 12:55да парвоз қиладиган самолёт Тошкентга 17:10да етиб келиши режалаштирилган.
Жума куни эса Тошкентдан соат 8:20да ҳавога кўтарилиб, Дубайга соат 10:55да етиб бориши айтилаётган бўлса, Дубайдан 13:00да учадиган самолёт Тошкентга соат 17:15да етиб келади.
Айни вақтда эса “Ўзбекистон ҳаво йўллари” МАК томонидан Дубайга ҳафтасига 3 марта яъни, чоршанба, пайшанба ва якшанба кунлари рейслар амалга оширмоқда.
