• 12 482 сум
    69.4
  • 14 541 сум
    154.08
  • 155 сум
    0.95
  • БРВ
    412 000 сум
  • МРОТ
    1 271 000 сум
Ру
  • 12 482 сум
    69.4
  • 14 541 сум
    154.08
  • 155 сум
    0.95
  • БРВ
    412 000 сум
  • МРОТ
    1 271 000 сум
Политика 21 сентября 2017

Шавкат Мирзиёев АҚШдаги ватандошларимизни Ўзбекистонга таклиф қилди

Ўзбекистон Республикаси Президенти Шавкат Мирзиёев 20 сентябрь куни Нью-Йоркда Америка Қўшма Штатларида истиқомат қилаётган бир гуруҳ ватандошларимиз билан учрашди. 

3720
0
ЎзА

"Америка Қўшма Штатларида сиз, қадрли юртдошларимиз билан учрашиб турганимдан бағоят хурсандман", - деди давлатимиз раҳбари. "Мен ушбу ташриф чоғида сизлар билан чин дилдан, самимий суҳбатлашишни аввалдан режалаштириб қўйган эдим".

Мазкур учрашув ҳам очиқ ва самимий руҳда ўтди. Президентимиз учрашувга келган ҳар бир юртдошимизнинг ҳаёти ва фаолияти билан қизиқди, деб ёзади ЎзА.

Ватандошларимиз Президентимиз билан учрашиш ўзлари учун улкан шараф эканини, бундай эътибордан бошлари осмонга етганини таъкидлади. Она юртимизда илм-фан, таълим, технология, инвестиция ва бошқа соҳаларни ривожлантириш, Ўзбекистон ва АҚШ муассасалари ўртасидаги алоқаларни мустаҳкамлаш бўйича ўз фикр-мулоҳазаларини баён этди.

Шавкат Мирзиёев ватандошларимизни Ўзбекистонда амалга оширилаётган кенг кўламли ислоҳотларга дахлдор бўлиш, замонавий билим ва тажрибаларини мамлакатимиз ривожига йўналтиришга даъват этди.

"Мамлакатимиз тараққиётига ҳисса қўшиш истагида бўлган барча чет элдаги юртдошларимизни Ўзбекистонга таклиф этаман", - деди давлатимиз раҳбари. "Мен уларни қўллаб-қувватлашга ва ҳар томонлама рағбатлантиришга тайёрман".

Учрашувга йиғилганлар Президент Шавкат Мирзиёев томонидан амалга оширилаётган ислоҳотлар халқимиз фаровонлигини янада юксалтиришга хизмат қилишини қайд этди. Давлатимизнинг хорижда яшаётган юртдошларимизга қаратаётган эътибори учун миннатдорлик билдирди. Ватандошларимиз мамлакатимизни ҳар томонлама ривожлантиришга ҳисса қўшишга тайёр эканликларини таъкидлади.

Президентимиз ватандошларимизга сиҳат-саломатлик, фаолиятларига омад ва муваффақиятлар тилади.

3720
0