2018 йил 24 апрель куни Олмазор тумани Жиноят ишлари бўйича суди маъмурий биносида ўтган суд жараёнига, Аббос Ходжаев ишига алоқадор қатор саволларга ойдинлик киритиш учун Тошкент шаҳар ИИББ Эксперт криминалистика бўлимининг икки ходими таклиф этилди.
Адвокатларнинг ва судга раислик этувчи Мирзиёд Абидов томонидан берган саволларга ИИББ ходимлари аниқлик киритиб ўтишда. Гарчи ушбу суд жараёнида турли хил мавҳум ҳолатларга гувоҳ бўлсак-да, бунга суд баҳо беришини алоҳида таъкидлаб ўтишимиз керак.
Аббос Ходжаевнинг адвокатлари бу экспертиза ҳолатида қонун бузилган ҳолда экспертиза ўтган деб ҳисоблашлари, яъни экспертиза хатга асосан (Экспертиза терговчи қарори, суд ажрими, Прокурор томонидан берилган ҳужжатларга асосан) ўтказилиши кераклиги борасида айтиб ўтишди.
Адвокатлар суддан Экспертиза ходимларига нисбатан “ноқонуний” экспертиза ўтказганлиги учун жиноий жавобгарлик масаласида ажрим чиқарилишини сўрашди ва бу бўйича илтимоснома киритишди. Сўнгра, адвокатлар томонидан киритилган яна бир илтимосномада судда “йўналтирувчи саволлар берган” ва “бошқа сабаблар”га кўра, прокурор сифатида ушбу судда қатнашаётган Олмазор тумани прокурори ўринбосари Д. Абдуллаевнинг кейинги суд маждисларидаги иштирокига раддия беришди.
Мирзиёд Абидов раислигида ўтаётган суд мажлисида суд ҳайъати, танафусда бу илтимосномаларни ўрганиб чиқиб, уларни қаноатлантирилмаслиги бўйича ажрим чиқарди. Суд мажлисининг навбатдагиси 2018 йилнинг 1 май куни соат 15:30 га белгиланди. “UzNews.uz” Аббос Ходжаевга алоқадор суд ишининг қолган мажлисларидан ҳам репортаж тайёрлаб боради ва уни сиз ўқувчилар эътиборингизга ҳавола қилади.
