2018 йил 8 май куни Тошкент шаҳар ИИББ Ёнғин хавфсизлиги бошқармаси томонидан, Тошкент шаҳар, Олмазор тумани, Қора-қамиш 2/1 даҳаси Зиямова кўчаси 5-уйда жойлашган, “Уруш ва меҳнат фахрийлар учун Республика пансионати”да халқимиз орасида миллий қадриятларимизга хос бўлган ўзаро меҳр-оқибат ва ҳамжиҳатликни янада кучайтириш, беғараз ёрдам, меҳр-мурувват каби эзгу фазилатларни юксалтириш, маҳаллалар, аҳоли турар жойларини ободонлаштириш ва кўкаламзорлаштириш ҳамда 2018 йил 29 март куни Ўзбекистон Республикаси Президентининг “Обод қишлоқ” дастури тўғрисида”ги ПФ-5386-сонли фармони ижросини таъминлаш мақсадида, бинода ёнғин хавфсизлигини таъминлаш ҳамда ҳудудни ободонлаштириш ва кўкаламзорлаштириш борасида бир қатор ишлар амалга оширилди.
Жумладан:
-Бинода мавжуд бўлган ёнғин ёки бошқа фавқулодда ҳолатлар содир бўлганда овозли хабар бериш мосламасини соз ҳолга келтирилди,
-Бинодаги ёнғинни автоматик равишда хабар бериш қурилмасини доимий ишчи ҳолатида ушлаб туриш мақсадида махсус корхона томонидан кўрикдан ўтказилиб, кўрик давомида аниқланган носоз қурилмалар соз ҳолга келтирилди,
-бино том тахта панжараларини ёниш хусусиятини пасайтирувчи кимёвий суюқлик билан ишлов берилди,
-пансионат ҳудудидаги мавжуд 2 дона ёнғинга қарши пештахталарини бўялиб, бирламчи ёнғин ўчириш асбоб-анжомлари билан тўлиқ таъминланди,
-бинода мавжуд бўлган 17 дона ОП-3 русумли ёнғин ўчириш воситаларини кимёвий таркиби янгиланди,
-ёнғин содир бўлганда ишчиларни ва моддий бойликларни қутқариш режа чизмасини талаб даражада ишлаб чиқилиб, кўринарли жойларга осиб қўйилди,
-бинодаги ички ёнғин ўчириш сув жўмракдаги енгларни синовдан ўтказилиб, меъёр талаби асосида қайтатдан ўраб чиқилди,
-ички ёнғин ўчириш сув жўмраклари ўрнатилган қутиларини махсус белгилари билан таъминланди,
-бинодаги барча электр қутиларини эшикларига махсус белгилари билан таъминланди,
-ёнғинга қарши тарғибот ва ташвиқот материаллар ҳамда тақиқловчи огоҳлантирувчи белгилар билан таъминланди,
-пансионат ҳудудида 500 донадан ортиқ ҳар хил турдаги гул кўчатларини экилиб, мавжуд бўлган дарахтларга шакл берилди.
