Тантанали маросимда Бош вазир Абдулла Арипов, МОҚ президенти Умид Аҳмаджонов, ОАВ вакиллари, санъаткорлар ҳамда кенг жамоатчилик иштирок этди.
Маросимдан сўнг, аэропортдан қўзғалган кортеж пойтахтнинг марказий кўчаси бўйлаб ҳаракатланди. Чемпионларни қўлларида давлат байроғини кўтарган футбол мухлислари олқишлаб кутиб олишди.
Кутиб олиш маросимининг асосий қисми “Ўзбекистон” меҳмонхонаси олдида бўлди. Бу ерда Абдулла Арипов футболчиларимизга Шавкат Мирзиёевнинг табригини ўқиб эшиттирди.
Тадбир сўнггида эса, футболчилар ва уларнинг мураббийларига “Президент совғаси” сифатида Malibu автомашиналарининг калитлари топширилди.
