Аввалроқ, 2017 йилнинг 20 декабрь куни Тошкент шаҳар Ички ишлар Бош бошқармаси ходимлари томонидан 1989 йилда туғилган Ирисметов Нуриддин Фазлиддинович Тошкент шаҳар ИИББ Реабилитация марказига олиб келинганлиги ва у тайинланган "аҳлоқ тузатиш” ишлари жазосини ўташдан қасддан бўйин товлаб, ўзи рўйхатда турган Сирдарё вилоятидаги хонадонда яшамасдан, Тошкент шаҳри ҳудудида юрганлиги ҳақида хабар берилган эди.
Ўтказилган тезкор тадбирлар натижасида фуқаро Н.Ф.Ирисметовнинг бошқа жиноятга алоқадорлиги аниқланган.
Фуқаро 2017 йилнинг 9 октябрь куни Тошкент вилояти, Ўртачирчиқ туманида жойлашган вақтинча истиқомат қилиб келаётган хонадонда бўла туриб, шаръий турмуш ўртоғининг вояга етмаган фарзанди “М”ни уриб, унга оғир тан жароҳати етказганлиги, натижада у “бош мия ёпиқ жароҳати, бош мия лат ейиши, бош мияга қон қуйилиши” ташхиси билан Республика нейрохирургия илмий марказига олиб борилганлиги, бироқ кўрсатилган тиббий ёрдамларга қарамай “М” шифохонада вафот этганлиги аниқланган.
Ҳозирги вақтда тўпланган ҳужжатлар, мазкур ҳолат бўйича Ўзбекистон Республикаси ЖКнинг 104-моддаси 3-қисми “д” банди билан қўзғатилган жиноят иши ҳужжатларига қўшиб кўриб чиқишлиш учун Тошкент вилояти ИИБ ҳузуридаги Тергов бўлимига юборилган.
