Ватан ҳимоячилари куни ва Қуролли Кучларимиз ташкил топганининг 26 йиллиги муносабати билан пойтахтимизнинг “Бунёдкор” стадиони олдидаги майдонда илк бор ёшларнинг ҳарбий-ватанпарварлик фестиваль-акцияси бўлиб ўтди.
“Миллий армиямиз – ёшларнинг мардлик, матонат ва жасорат мактабидир!” шиори остида ўтказилган ушбу тадбирда 6 мингга яқин ёшлар қатнашди.
Мудофаа вазирлиги томонидан ташкил этилган мазкур фестивалда замонавий қурол-аслаҳа ва ҳарбий техника кўргазмаси, ҳарбий таъминот масалалари, шунингдек, ҳарбий оркестр, Ўзбекистон Республикаси Қуролли Кучлари Марказий ашула ва рақс ансамбли ва эстрадамиз юлдузларининг концерт дастури бўлиб ўтди.
Бундан ташқари, ҳарбий хизматчиларнинг қурол билан саф ҳамда қўл жанги элементлари чиқишлари ҳамда Фавқулодда вазиятлар вазирлиги ва Мудофаага кўмаклашувчи “Ватанпарвар” ташкилоти ўқув-спорт техника клубларининг техник воситалари намойиш этилди.
