Ўзгидромет хабарига кўра, бугун Ўзбекистон ҳудудига Эрондан жуда илиқ ҳаво кириб келиши бошланади. Дам олиш кунлари илиқ ҳаво кириб келиши кучаяди, жуда иссиқ об-ҳаво Ўзбекистоннинг барча ҳудудларини қамраб олади.
Ҳаво ҳарорати 36-39 даражагача, шимолда, жанубда ва чўл ҳудудларида 40-42 даражагача кўтарилади. Республика бўйича асосан кам булутли об-ҳаво бўлиши кутилмоқда, фақат тоғли ҳудудларда куннинг иккинчи ярмида конвектив булутлилик ривожланиши билан баъзи жойларда қисқа муддатли ёмғир ёғиши, момақалдироқ бўлиши мумкин.
