Президент матбуот котиби Шерзод Асадов давлат раҳбарининг ҳафталик иш жадвали билан таништирди.
Қайд этилишича, бугун, 5 июль куни қишлоқ хўжалиги машинасозлиги корхоналарининг трансформацияси юзасидан тақдимот ўтказилади.
Эртага БМТ Бош Ассамблеяси 75-сессияси раиси Волкан Бозкир билан учрашув бўлади.
8 июль куни Олимпия захираларини тайёрлаш тизимини такомиллаштириш юзасидан йиғилиш ўтказилади.
9 июль куни рақамлаштириш чора-тадбирлари бўйича тақдимот ўтказилиши режалаштирилган.
