Навоийда эрини болта билан 13 марта уриб ўлдирган аёлнинг бу иши судда кўриб чиқилди.
Маълум қилинишича, 2021 йилнинг 1 август куни Навбаҳор туманида икки нафар боланинг онаси бўлган аёл уйида турмуш ўртоғи билан жанжаллашиб қолади. Шундан сўнг, аёл эридан ғазабланиб, уни ухлаб ётган вақтида болта билан 13 марта уриб, ўлдиради.
Қайд этилишича, у қотилликни қилаётган вақтида эрининг ёнидa вояга етмаган ўғли ҳам ухлаб ётган бўлган. Сўнг, аёл эрининг мурдаси ётган уйга ўт қўйиб, танасига қон сачраган ўғлини ювинтирган ҳамда ота уйига кетиб юборган.
Аммо, ҳовли-жой тутунга тўлсада, ёниб кул бўлмаган.
Суд залида аёл қилмишидан пушаймонлигига иқрор бўлиб, марҳум эрини яхши қўрганини айтиб, ўзига енгиллик берилишини сўради.
Суд ҳукмига кўра, ЖКнинг тегишли моддаси билан судланувчи аёлга 16 йил муддатга озодликдан маҳрум қилиш жазоси тайинланди.
