Мажбурий ижро бюросининг раҳбари Фарруҳ Тошпўлатов йил бошидан буён 7800дан ортиқ қарздорлар қидирувга берилгани ва улардан 4,5 минг нафари топилгани ҳақида маълум қилди.
Топилган фуқаролардан умумий миқдорда 30,7 млрд сўм ундирилган. Ушбу маблағнинг 22,8 млрд сўми – бу алиментлардир.
Қайд этилишича, қолган 3 264 нафар қарздор ҳали топилмаган, уларнинг 2 149 нафари республика ҳудудида ва 1 115 нафари эса хорижга чиқиб кетган.
Бундан ташқари, Фарруҳ Тошпўлатов МИБ қарздор автомобиллар қидируви билан ҳам шуғулланаётганини маълум қилди.
Хусусан, жорий йилда 4 222 дона автомобиль қидирувга берилган ва улардан 3 073 донаси топилган. Натижада 40,5 млрд сўмлик қарздорлик ундирилган.
