Ўзгидромет хабарига кўра, ўтаётган йилнинг сўнгги кунларида Ўзбекистоннинг барча ҳудудларида қуруқ ва илиқ об-ҳаво бўлиши кутилмоқда. Кечалари ҳаво ҳарорати 0...+5 даража, кундуз кунлари эса +10...+15 даража атрофида бўлади.
1-3 январда республиканинг айрим ҳудудларида вақти-вақти билан бироз ёғингарчилик бўлади, лекин текислик ҳудудларда ёмғир кўринишида ёғади. Кундуз кунлари ҳарорат +10...+15 даража бўлади. 4 январда Ўзбекистон ҳудудининг катта қисмида ёмғир ёғади. Кечалари ҳаво ҳарорати +2...+7 даража, кундузи +5...+10 даража атрофида бўлади.
Ушбу кунларда фақат республиканинг тоғли ҳудудларида қор ёғади. 4 январда баъзи жойларда кучли қор ёғиши мумкин.
