Бош прокуратура томонидан қалбаки пул муомаласи билан боғлиқ жиноят фош этилди. Бу ҳақда Бош прокуратура ҳузуридаги Департаментнинг ахборот хизмати хабар берди.
Аниқланишича, Миробод тумани банк муассасасига қарашли "Марказ" номли валюта айрибошлаш шаҳобчаси ходимлари шохобчага топширилган 2 евро номиналидаги 2 470 дона 4 940 евро миқдоридаги тангалар қалбаки эканлигини аниқлашган
Қайд этилишича, ушбу сохта валюталар натижасида банк манфаатларига 59,3 млн сўм зарар етказилган.
Мазкур ҳолат юзасидан ЖКнинг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.
