Қўнғирот туманида маҳкумни озодликка чиқариб бермоқчи бўлган фирибгар ушланди. Бу ҳақда Прокуратура департаменти хабар берди.
Маълум бўлишича, Қўнғирот тумани тиббиёт бирлашмаси ҳамшираси Ш.А. манзил колониясида жазо муддатини ўтаётган маҳкум Ф.нинг ишончига кириб, уни юқори лавозимда ишловчи танишлари орқали $10 минг эвазига муддатидан олдин озодликка чиқариб беришга ваъда берган.
Шундан сўнг, Ш.А. сўралган пулдан $5 мингини олган вақтида ашёвий далиллар билан ушланган.
Мазкур ҳолат юзасидан ЖКнинг 168-моддаси (фирибгарлик) ва 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
