Тошкент шаҳар ИИББ Матбуот хизматининг хабар беришича, жорий йилнинг 1 июль куни Тошкент шаҳар Яшнобод туманида 4 нафар “ТикТокер” бир-бирини Spark’нинг томига чиқарган ҳолда автомашинани ҳайдаб, уни ижтимоий тармоқларга жойлаган.
Шундан сўнг, улар Тошкент шаҳар ИИББга чақиртирилиб, профилактик суҳбат ўтказилди.
“Бу менинг “идеям” эди. Интернетда шоу қилиш учун қилгандик. Бу ҳолат қайтарилмайди”, - дейди “ТикТокер”лардан бири.
Ҳолат юзасидан ҳуқуқбузарларга нисбатан МЖтКнинг 125 (транспорт воситаларидан фойдаланиш қоидаларини бузиш) ва 183-моддасига (майда безорилик) кўра, 10 сутка маъмурий қамоқ жазоси ва БҲМнинг 3 баравари (735 минг сўм) миқдорида жарима тайинланди.
