Самарқандда аёл ва унинг икки нафар фарзанди ис газидан заҳарланиб, вафот этди. Бу ҳақда бош прокуратура ахборот хизмати раҳбари UzNews.uz’га хабар берди.
Жорий йилнинг 29 октябрь куни соат 12:30 ларда Ургут тумани Чумчуқли маҳалласида яшовчи 38 ёшли Н.О. ва унинг вояга етмаган фарзандлари 11 ёшли Ш.А., 5 ёшли У.А. ҳамда 9 ёшли О.А.лар уларнинг қариндошлари томонидан уйидан қўлбола усулда ясалган печкадан сизиб чиққан ис газидан заҳарланган ҳолатда топишган.
Натижада, Н.О. ва унинг вояга етмаган фарзандлари Ш.А. ва У.А. ҳодиса жойида вафот этишган, О.А. эса шифохонага ётқизилган.
Маълумот бериилишча, 29 октябрь куни туман прокуратураси томонидан ЖКнинг 259-моддаси (ёнғин хавфсизлиги қоидаларини бузиш) 2-қисми “а” банди билан жиноят иши қўзғатилган.
Эслатиб ўтамиз, аввалроқ, вилоятда 10 кунда 8 киши ис газидан заҳарланиб, ҳалок бўлгани ҳақида хабар бергандик.
