Жиззах вилоятида чет элдан пиротехника воситаларини олиб кирган шахс ушланди. Бу ҳақда вилоят ИИБ Матбуот хизмати хабар берди.
Ўтказилган тадбир давомида Т.Р. бошқарувидаги Lacetti русумли автомашина тўхтатилиб кўздан кечирилганида, унинг юкхонасида ҳеч қандай ҳужжатлари бўлмаган, хорижда ишлаб чиқарилган 5 турдаги жами 29 558 дона пиротехника воситалари борлиги маълум бўлди.
Қайд этилишича, ушбу воситаларнинг умумий қиймати 16 млн 580 минг сўм эканлиги аниқланган.
