Toшкент шаҳар ИИББ ҳузуридаги Жиноят қидирув бошқармаси Иқтисодий хавфсизлик ва коррупцияга қарши курашиш бўлими хабарига кўра, Toшкент давлат аграр университетининг собиқ ходими, ҳозирда касб-ҳунар коллежларидан бирининг директори ҳамда ушбу университетнинг 2-курс талабаси 6 минг АҚШ доллари эвазига олий таълим муассасасига ўқишга киришга таклиф қилаётгани аниқланган.
Ўтказилган тезкор тадбир натижасида гумондорлардан бири талаб қилинган сумманинг ярмини олаётган вақтда жиноят устида қўлга олинди. Айбланувчининг кўрсатмаларига асосан иккинчи гумондорга ҳам Юнусобод тумани прокуратураси томонидан мазкур ҳолат юзасидан тўпланган далилий маълумотлар асосида Ўзбекистон Республикаси Жиноят Кодексининг 168 ва 211-моддалари билан жиноий иш қўзғатилди.
