Кеча, 28 июль куни соат 07:10 да Самара – Чимкент автомобиль йўлида ичида 8 нафар ўзбекистонлик йўловчи бўлган Toyota Previa ағдарилиб кетганди.
Ўзбекистоннинг Ақтау шаҳридаги бош консулхонаси хабарига кўра, автомобиль ҳайдовчиси (Қозоғистон фуқароси) ва Атирау шаҳрига ишга бораётган 8 нафар ўзбекистонлик тан жароҳати билан шифохонага етказилган.
43 ёшли Н.Д. олган тан жароҳати билан шифохонада вафот этган. Уларнинг 2 нафарига тиббий кўрикдан кейин рухсат берилган бўлса, қолган 5 киши шифохонада қолмоқда.
Бош консулхона вазиятни ўз назоратига олган. Вафот этган фуқаронинг жасадини Ўзбекистонга етказиш бўйича зарур чоралар кўрилмоқда.
