Тошкент давлат юридик университети талабаси Олий ва ўрта махсус таълим вазирлигининг раҳбарлари орқали Тошкент автомобиль йўллари коллежига ўқишга киритиб қўйишни ваъда қилган ҳолда фирибгарликка йўл қўйди.
Коллежга 3000 АҚШ доллари эвазига киритиб қўйишини айтган Тошкент давлат юридик университетининг 4-босқич талабаси 3000 АҚШ доллари миқдоридаги пулни олган вақтда ушланган.
Талаба ушбу маблағнинг 1000 долларини олиши кераклигини айтган ва қолган 2000 долларни шеригига бериши зарур бўлган. Шу сабабли тезкор тадбир давом эттирилган.
Шериклар эса Ўзбекистон Республикаси Миллий университетининг талабаси ва Ижтимоий фанлар факультети катта ўқитувчиси бўлгани айтилган.
Ҳолат юзасидан жиноят иши қўзғатилган бўлиб, тергов ҳаракатлари олиб борилаётгани маълум қилинган.
