Ўзбекистон Республикаси ДЁХБнинг хабар беришича, ёнғин Учтепа туманида жойлашган кўп қаватли уйда яшовчи фуқаро Н.Ж.нинг хонадонида содир бўлган.
Ёнғин оқибатида уйнинг 2 кв.метр майдонда уй жиҳозлари ёниб зарарланган. Ёнғинга 2та ёнғин ўчириш экипажи ва 1та автонарвон жалб этилган. Кўрилган тезкор ҳаракатлар натижасида ёнғин бартараф этилган.
Ёнғинни ўчириш вақтида уй эгасининг турмуш ўртоғи фуқаро А.Г. қутқарилиб, шифохонага юборилган, аммо, фуқаронинг ёнғинда олган жароҳатлари оғирлиги сабабли кўрсатилган тиббий ёрдамга қарамай вафот этган.
Ёнғиннинг келиб чиқиш сабаби аниқланмоқда. Ёнғиндан уйнинг 35 кв.метр майдони сақлаб қолинган.
