Ўзбекистонлик талабалар 28-Халқаро математика олимпиадасида 15 та медал ютгани, қорақалпоғистонлик Камол Содиқовга туман ҳокими ташаккурнома ва қимматбаҳо совғалар бергани ҳақида хабар берганддик.
Олий ва ўрта махсус таълим вазирлиги Матбуот хизмати хабарига кўра, Ўзбекистон миллий университетида ҳам ушбу олимпиада совриндорлари муносиб тақдирланган.
Олий ва ўрта махсус таълим вазири Aбдуқодир Тошқулов ва университет ректори Иномжон Мажидов ЎзМУнинг 13 нафар келажак олимларини қутлаб, фахрий ёрлиқ ва қимматбаҳо совғаларни (моноблок компютер, планшет ва китоб жамланмалари) топширишди.
Эслатиб ўтамиз, 17 кишилик Ўзбекистон терма жамоаси ушбу олимпиадада жами 15 та – 5 та олтин, 6 та кумуш, 4 та бронза медал ва 2 та фахрий ёрлиқни қўлга киритишган.
