Эслатиб ўтамиз, 29 апрель куни Тула областининг Узловая шаҳрида эркак киши ўзбекистонлик кассир аёлга ҳужум қилиб, пичоқ билан жароҳат етказган. Ўзбекистон Ташқи ишлар вазирлиги мазкур ҳодиса юзасидан изоҳ берди.
Ташқи ишлар вазирлиги матбуот хизматининг хабар беришича, Россия Федерацияси Жиноят кодексининг 105-моддаси 1-қисмида (одам ўлдириш) кўзда тутилган жиноят аломатлари бўйича жиноят иши очилган. Мазкур қотилликни амалга оширганликда гумонланаётган 34 ёшли эркак қўлга олинган.
Консуллик-ҳуқуқий департаменти марҳуманинг оила аъзолари ва яқинларига ҳамдардлик изҳор этади ҳамда элчихона Консуллик бўлими ушбу мудҳиш ҳодисани марҳуманинг жасадини Сурхондарё вилоятига олиб келишда кўмаклашиш мақсадида назоратда ушлаб турганини маълум қилган.
