Фарғона вилоятига ташрифи давомида Президент Шавкат Мирзиёев қатор лойиҳалар билан танишиб чиқди, деб хабар бермоқда Президент матбуот хизмати.
Хусусан, «Hyundai» компанияси билан ҳамкорликда «Қўқон» эркин иқтисодий зонасида электромобиллар ишлаб чиқариш, Водил кўмир конида кўмир қазиб чиқариш, тошдан экологик тоза қоғоз ишлаб чиқаришга оид режалар, «Фарғонаазот» ва «Қўқонсуперфосфат» акциядорлик жамиятларини модернизация қилишга қаратилган лойиҳалар кўриб чиқилди.
