Прокуратура ходимининг маълум қилишича, ҳодиса 5 июнь куни соат 19:50ларда Миробод тумани Фарғона йўли кўчасида жойлашган «Осиё бургер» овқатланиш шохобчаси яқинида содир бўлган. Бу ҳақда «Sevimli» телеканалининг «Zamon» дастурида хабар берилди.
Видеода кўринишича, оммавий муштлашув иштирокчиларидан бири Nexia русумли автомобилда бир неча киши устига бостириб борган. Яна бир эркак эса рақибларига пичоқ билан ташланиб, жароҳат етказмоқчи бўлган.
Жанжал оқибатида бир нафар шахс жароҳат олиб, шифохонага ётқизилган.
Мазкур ҳолат юзасидан Тошкент шаҳар прокуратураси томонидан Жиноят кодексининг 25, 97-моддаси билан жиноят иши қўзғатилган. Икки нафар шахсга нисбатан қамоққа олиш тарзидаги эҳтиёт чораси қўлланилган.
