Тошкент шаҳар ИИББнинг хабарига кўра, 8 август куни соат 7:30да 102 рақамига Юнусобод туманидаги Боғи шамол ва Янги шаҳар кўчалари чорраҳасида учта автомобиллар иштирокида йўл-транспорт ҳодисаси содир бўлганлиги ҳақида хабар келиб тушган.
Hyundai русумли автомобиль ҳайдовчиси 34 ёшли Ш. Т. светофорнинг тақиқловчи сигналидан ўтиб кетиб, 29 ёшли Б. С. бошқарувида бўлган Cobalt ва 24 ёшли М. С. бошқариб борган Spark автомобиллари билан тўқнашган.
ЙТҲ натижасида Cobalt русумли автомобиль йўловчилари 40 ёшли Ш. А. ва 32 ёшли М. К., шунингдек Hyundai русумли автомобиль йўловчиси 10 ёшли И.Ш. жароҳат олган.
Барча жабрланганлар шифохонага олиб борилган. Аммо, шифокорларнинг ҳаракатларига қарамасдан, 10 ёшли И.Ш. касалхонада вафот этган.
