1 октябрь куни тахминан соат 00:30да Epica автомобили ҳайдовчиси Самарқанд шаҳрининг Ибн Сино кўчасида ҳаракатланиб кетаётганида бошқарувни йўқотиб, бетон тўсиққа урилган ва 20 метрлик кўприкдан ағдарилиб тушган. Бу ҳақда Самарқанд вилояти ИИБ ЙҲХБнинг маълумотларига таянган ҳолда Zarnews хабар бермоқда.
ЙТҲ оқибатида автомашинада бўлган ҳайдовчи ҳамда йўловчи кўплаб жароҳатлар билан касалхонага ётқизилган.
Мазкур йўл-транспорт ҳодисаси юзасидан ички ишлар органлари ходимлари суриштирув ҳаракатларини олиб бораётгани хабар қилинмоқда.
