Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдиновнинг хабарига кўра, 12 ноябрь куни соат 00:10ларда Самарқанд вилояти, Оқдарё туманида истиқомат қилувчи фуқаро, 33 ёшли якка тартибдаги тадбиркор Х.Т. турмуш ўртоғи 25 ёшли Д.В. билан ўзаро жанжаллашиб, уни қўллари билан бўғиб ўлдирган. Сўнгра яшаш уйида арқон билан ўзини осиб, жонига қасд қилган.
Мазкур ҳолат юзасидан Оқдарё тумани прокуратураси томонидан ЖКнинг 97-моддаси 2-қисми "б" банди (Ҳомиладорлиги айбдорга аён бўлган аёлни қасддан ўлдириш) билан жиноят иши қўзғатилган.
