Бухоро вилояти халқ таълими бошқармасининг хабарига кўра, мазкур суратлар Когон шаҳридаги 9-умумий ўрта таълим мактабида олинган. Мактаб биноси 1986 йилда қурилган бўлиб, ҳозирда 1573 нафар ўқувчи таҳсил олади.
Мактаб биноси 3 қаватдан иборат бўлиб, ҳар бир қаватда ички ҳожатхона, ювиниш хоналари лойиҳалаштирилган. Бироқ, 3-қаватдаги ҳожатхона ва ювиниш хонасидан йиллар давомида фойдаланилмаган. Шу сабабли айрим ҳолларда ўқувчилар билан алоҳида синфдан ташқари машғулотларда фойдаланиш учун реконструкция қилинган.
Айни вақтда хонадан фойдаланиш тўхталди ва синфдан ташқари машғулотларни ўтказиш учун иккинчи сменада бўшайдиган синф хоналаридан фойдаланиш ташкил этилди.
