ТИВ матбуот хизматининг хабарига кўра, 1 мартдан бошлаб МДҲ мамлакатларида истиқомат қилувчи ва консуллик рўйхатида турган Ўзбекистон фуқаролари хорижга чиқиш учун биометрик паспортни мамлакатлардаги дипломатик ваколатхоналар ва консуллик муассасаларида олишлари мумкин.
Шу ўринда республика фуқаролари хорижга чиқиш учун биометрик паспортни олиш ва қабулга ёзилиш (биографик маълумотлар ва биометрик параметрларни топшириш мақсадида) учун веб-портал орқали электрон ариза тўлдиришлари мумкин.
Бундан ташқари, 1 мартдан бошлаб consulate.mfa.uz веб-порталида консуллик рўйхатига олиш интерактив тизими жорий этилган бўлиб, буни фуқаролар масофадан туриб Ўзбекистоннинг чет элдаги дипломатик ваколатхоналари ва консуллик муассасаларига шахсан келмасдан амалга оширишлари мумкин.
