Ўзгидромет хабарига кўра, жума ва дам олиш кунлари Ўзбекистон ҳудуди маркази шимолий Урал ҳудуди устида жойлашган совуқ антициклон чегараси таъсирида бўлади.
Республикада об-ҳаво ёғингарчиликсиз бўлади, фақат 7 мартга ўтар кечаси мамлакатнинг марказий, жанубий ва шарқий ҳудудларида ёмғир кўринишида кучсиз ёғингарчилик бўлади.
Тунги ҳарорат 0 даражагача пасаяди, айрим жойларда -1...-2 даража бўлиши мумкин, кундузи ҳавонинг нисбатан совуқ бўлиши, салқин шарқий шамол эсиши кутилмоқда. Кундузги ҳарорат +7...+12 даража атрофида бўлади, бу ўртача кўп йиллик ҳароратдан сал пастдир.
