Соғлиқни сақлаш вазирлигининг хабарига кўра, аввал COVID-19 коронавируси аниқланган фуқаронинг турмуш ўртоғи ва Истанбул-Тошкент йўналишида учиб келган Ўзбекистон фуқаросида коронавирус инфекцияси аниқланган.
Аввал хабар берганимиздек, COVID-19 вируси илк бор Париждан қайтиб келган Ўзбекистон фуқаросида, кейин эса унинг турмуш ўртоғи, болалари, невараси ва қариндошида аниқланган эди.
Яна иккита ҳолат 15 март куни Истанбулдан учиб келган фуқароларда қайд этилган. Кейинчалик инфекция йўловчиларнинг бирининг турмуш ўртоғида аниқланган.
Шунингдек, коронавирус инфекцияси 14 март куни Лондондан Тошкентга учиб келган фуқарода ҳамда Дубай-Тошкент йўналишида келган йўловчида аниқланган.
