7-9 апрелда Ўзбекистон ҳудудига Волгабўйи районлари (Астрахань) орқали Россиянинг Европа ҳудуди (Москва области) устида шаклланган нам ва совуқ ҳаво оқимлари киради. Бу ҳақда Ўзгидромет хабар бермоқда.
7-9 апрелда республика бўйича вақти-вақти билан ёмғир ёғади, 8 апрелда айрим жойларга кучли ёмғир ёғиши мумкин. 9 апрель куни эрталаб ва кечаси айрим жойларда ёғаётган ёмғир қорга айланиши мумкин.
7-8 апрель кунлари шамолнинг тезлиги кучайиб, секундига 15-20 метргача, шиддат билан эсганда 23-28 метргача етиши кутилмоқда. 7 апрель куни ҳарорат кечаси +10...+15, кундузи +15...+20 даража бўлади.
8 апрелда кечаси +3...+8, кундузи +5...+10 даража бўлади. 9 апрель куни кечаси 0...+5, айрим жойларда -1 даражагача тушади, кундузи эса +5...+10 даража бўлади. 8-9 апрель кунлари республиканинг тоғолди ва тоғли ҳудудларида сел келиши хавфи бор.
